O Presidente da Xunta preside...

El Presidente de la Xunta a la llegada al la sala de conferencias de Caixanova

O Presidente da Xunta de Galicia, D. Alberto Núñez Feijoo, reivindicou a figura de Laxeiro na presentación do Catálogo Universal do pintor que a Fundación que leva o nome do artista organizou o pasado día 16 de decembro na sala de conferencias do Centro social Caixanova.

El Conselleiro de Cultura recibido por Carlos García-Suárez

Na mesa presidencial acompañaban ao Presidente o Presidente Delegado da Fundación Laxeiro, Xésus López Carreira, o Conselleiro de Cultura, Roberto Varela, o Presidente de Caixanova, Julio Fernández Gayoso, o Director Xeral da Fundación Laxeiro, Carlos García-Suárez Otero, o Director de Nova Galicia de Edicións, Carlos Del Pulgar e o Director da publicación, o pintor Antón Pulido Novoa.

El Conselleiro de Cultura recibido por el Presidente-Delegado de la Fundación Laxeiro

“A obra de Laxeiro é como Galicia: sempre recoñecible e, sen embargo, sempre cambiante, en permanente estado de mutación e repensamento”. Son palabras do presidente da Xunta na presentación do Catálogo Universal de Laxeiro.

Alberto Núñez Feijóo destacou que Laxeiro non soamente representa, senón que engrandece, a esencia da nosa terra. “E que Laxeiro foi un fillo de Galicia que hoxe vive no mundo, pero tamén foi pai desa Galicia: alimentouse e alimentou as súas raíces”, salientou. Así, o titular da Xunta remarcou que o pintor amosou a terra “tal e como é”: “sinxela, facilmente recoñecible, en parte arquetípica –coas súas paisaxes, as súas xentes, as súas figuras...-, pero tamén irónica, valente, tenra. E así gañou para o noso día a día unha dignidade e unha transcendencia inéditas, e para as nosas cousas cotiás toda unha mitoloxía”.

De Izda. a Dcha. Anton Pulido, Julio Fdez. Gayoso, Xésus López, Alberto Nuñez Feijoo, Roberto Varela, Carlos García-Suárez y Carlos del Pulgar

Falar por Galicia
O presidente da Xunta asegurou que coa súa obra Laxeiro “falou por Galicia”: “e se, no idioma propio cada parte da realidade recibe un nome, no idioma de Laxeiro ese nome ábrese nunha árbore de sentidos”.

“Falou co verdor que distingue esta terra e presumiu de ter nacido, como a nosa Gallaecia, na aldea; falou por Galicia coa dor rosaliana de emigracións e exilios que mitifica o legado das nosas raíces e traballa arreo para máis nunca abandonar a terra; falou por Galicia coa xenerosidade e humildade de quen fai brillantes pinturas e as regala, ou de quen é convidado a dar unha charla e se nega a percibir compensación económica algunha porque, dí, non sabía nada de pintura nin de falar en público”, afirmou Núñez Feijóo.

La presentación del Catalogo Universal de Laxeiro levantó gran expectación

O mandatario galego remarcou que Laxeiro falou por Galicia, e amosou “unha noción estimulante e integradora da galeguidade”. Unha galeguidade que, segundo abondou o Presidente da Xunta, “é capaz de sentir como patria a terra natal, Lalín, e a terra de adopción, Vigo, a partes iguais; esa galeguidade que é capaz de pasar o tempo na terra de acolá, América, sen esquecer a de aquí, Galicia”. “Esa galeguidade que é capaz de conxugar o verbo propio co verbo universal”, engadiu.

“Por iso, reunidos arredor do seu legado fagamos propósito de non tomar nin o nome nin a obra de Laxeiro en van, e invoquémolo como símbolo da concentración das enerxías colectivas de Galicia, en lugar de inventar novas longas noites de pedra”, concluíu.

De Izda. a Dcha., Lopéz Font, Lucia Molares, Jose Juan Duran, Elvira Larriba, Guillermo Brea y Javier Bujan

A presentación do Catálogo Universal de Laxeiro en Vigo levantou unha gran expectación e asistiu numeroso público e autoridades como, Lucia Molares, Delegada Territorial da Xunta de Galicia en Vigo,  Carlos López Font, portavoz do grupo municipal socialista do Concello de Vigo, Jose Juan Duran, Vicepresidente Delegado de Cultura da Deputación de Pontevedra, Jose Manuel Figueroa, Vicepresidente da Deputación de Pontevedra e portavoz do grupo popular no Concello de Vigo, José Crepo, Vicepresidente da Deputación de Pontevedra e Alcalde de Lalín, Elvira Larriba Concelleira do Grupo Popular do Concello de Vigo, Nuria Rodriguez, Concelleira de Cultura do Concello de Lalín, Luis Espada, Defensor do cidadan de Vigo, así como os patronos da Fundación Laxeiro Luis Mª Caruncho, Román Pereiro, Heriberto García-Suárez, Ivan Area e un longo etc., de amigos e admiradores da obra de Laxeiro que non quixron perderse esta cita coa cultura. 

O Presidente da Xunta recibe a medalla da Fundación Laxeiro das mans de Maria Cruz Otero Villamarín

Unha vez rematada a presentación, o Presidente Feijoo trasladouse ás instalacións da Fundación Laxeiro para realizar unha visita privada á Colección Permanente da Fundación (unha mostra de 68 obras que a Fundación Laxeiro mostra de forma ininterrumplida durante todo o ano e que permite obter unha visión global sobre a obra de Laxeiro), onde foi recibido pola Vicepresidenta, e filla de Laxeiro, María Cruz Otero Villamarín, quen obsequiou ao Presidente da Xunta de Galicia, e Presidente de Honra da Fundación Laxeiro, cunha medalla conmemorativa do centenario de Laxeiro relizada polo taller de Arte en Bronce de Lino Cao.

O Presidente da Xunta interesouse po-la historia de algunhas pezas

Unha vez rematada a visita á colección permanente, o Presidente da Xunta de Galicia procedeu a inaugurar a exposición temporal "Laxeiro, Catalogo Universal" coa que a Fundación pretende achegar o Catálogo Universal a todos os interesados para que poidan realizar buscas no DVD e constatar a calidade do papel, fotografías, encadernación, e textos que compoñen a obra ,  e adicou un exemplar do Catálogo Universal para conmemorar a súa visita á Fundación Laxeiro.

O Presidente Feijoo sauda a Luis Caruncho, patrono da Fundación Laxeiro

O Presidente Feijoo asina o Catálogo Universal de Laxeiro

'Este Catálogo Universal para o Galego Universal' asinou o Presidente Feijoo

O acto rematou cunha animada xuntanza de amigos e admiradores de Laxeiro na Fundación Laxeiro

Vista da exposición sobre o Catalogo Universal